18

കൊ​ട്ടാ​ര​ക്ക​ര : തെ​ര​ഞ്ഞെ​ടു​പ്പു തി​ര​ക്കി​നി​ട​യി​ലും കൊ​ട്ടാ​ര​ക്ക​ര പ​ട്ട​ണ​ത്തി​ൽ ആ​ർ. ബാ​ല​കൃ​ഷ്ണ​പി​ള്ള സ്മാ​ര​ക​ത്തി​ന്‍റെ​യും ന​ഗ​ര​സ​ഭാ​ച​ത്വ​ര​ത്തി​ന്‍റെ​യും നി​ർ​മാ​ണം അ​തി​വേ​ഗം പു​രോ​ഗ​മി​ക്കു​ക​യാ​ണ്. 2.63 കോ​ടി രൂ​പ ചെ​ല​വി​ലാ​ണ് നി​ർ​മാ​ണം. ര​ണ്ടു​കോ​ടി രൂ​പ​യാ​ണ് സം​സ്ഥാ​ന ബ​ജ​റ്റി​ൽ ഉ​ൾ​പ്പെ​ടു​ത്തി ആ​ർ. ബാ​ല​കൃ​ഷ്ണ​പി​ള്ള സ്മാ​ര​ക സാം​സ്കാ​രി​ക​നി​ല​യ​ത്തി​നാ​യി അ​നു​വ​ദി​ച്ചി​രു​ന്ന​ത്.

മ​ന്ത്രി കെ.​എ​ൻ. ബാ​ല​ഗോ​പാ​ലി​ന്‍റെ ആ​സ്തി​വി​ക​സ​ന ഫ​ണ്ടി​ൽ​നി​ന്ന്‌ 63 ല​ക്ഷം രൂ​പ​യാ​ണ് സാം​സ്കാ​രി​ക കേ​ന്ദ്ര​ത്തോ​ടു ചേ​ർ​ന്നു​ത​ന്നെ ന​ഗ​ര​സ​ഭാ​ച​ത്വ​രം നി​ർ​മാ​ണ​ത്തി​ന് അ​നു​വ​ദി​ച്ച​ത്. തീ​ര​ദേ​ശ​വി​ക​സ​ന കോ​ർ​പ​റേ​ഷ​നാ​ണ് രൂ​പ​രേ​ഖ ത​യാ​റാ​ക്കി​യ​ത്.

ര​ണ്ടു നി​ല​ക​ളി​ലാ​യി 4584 ച​തു​ര​ശ്ര​യ​ടി വി​സ്തൃ​തി​യാ​ണു​ള്ള​ത്. താ​ഴെ നി​ല​യി​ൽ വാ​ഹ​ന പാ​ർ​ക്കി​ംഗും ശൗ​ചാ​ല​യ​വും മു​ക​ൾ​നി​ല​യി​ൽ മു​ന്നൂ​റ് ഇ​രി​പ്പി​ട​ങ്ങ​ളോ​ടു​കൂ​ടി​യ ടൗ​ൺ ഹാ​ളു​മാ​ണ് നി​ർ​മി​ക്കു​ന്ന​ത്.

പൊ​തു​പ​രി​പാ​ടി​ക​ൾ ന​ട​ത്താ​ൻ ക​ഴി​യും​വി​ധം ഓ​പ്പ​ൺ സ്റ്റേ​ജ്, ഓ​ഫീ​സ് കം ​ജി​നേ​ഷ്യം, വി​ശ്ര​മ​മേ​ഖ​ല, ചു​റ്റു​മ​തി​ൽ, പ്ര​വേ​ശ​ന​ക​വാ​ടം എ​ന്നി​വ അ​ട​ങ്ങു​ന്ന​താ​ണ് ന​ഗ​ര​സ​ഭാ​ച​ത്വ​രം. 2025 മേ​യ് മൂ​ന്നി​നാ​ണ് ഉ​ദ്ഘാ​ട​നം ന​ട​ത്തി​യ​തെ​ങ്കി​ലും നി​ർ​മാ​ണം തു​ട​ങ്ങാ​ൻ വൈ​കി.

തെ​ര​ഞ്ഞെ​ടു​പ്പി​നു​ മു​ൻ​പ്‌ ഉ​ദ്ഘാ​ട​നം ന​ട​ത്താ​നാ​യി​രു​ന്നു ശ്ര​മ​മെ​ങ്കി​ലും ന​ട​ന്നി​ല്ല. ക​ഴി​ഞ്ഞ ആ​ഴ്ച​ക​ളി​ൽ രാ​ത്രി​യും പ​ക​ലു​മാ​യി നി​ർ​മാ​ണം പു​രോ​ഗ​മി​ക്കു​ക​യാ​ണ്.
ന​ഗ​ര​ത്തി​ൽ വി​വി​ധ പ​രി​പാ​ടി​ക​ൾ ന​ട​ത്തു​ന്ന​തി​നു​ള്ള പൊ​തു​വി​ടം എ​ന്ന നി​ല​യി​ലാ​ണ് ഇ​വി​ടെ​യു​ണ്ടാ​യി​രു​ന്ന പാ​ർ​ക്കിം​ഗ് ഗ്രൗ​ണ്ട് ന​ഗ​ര​സ​ഭാ​ച​ത്വ​ര​മാ​ക്കി മാ​റ്റി​യ​ത്. ഒ​രു​വ​ശ​ത്ത് ആ​ളു​ക​ൾ​ക്കു ല​ഘു​വ്യാ​യാ​മ​ങ്ങ​ൾ ചെ​യ്യു​ന്ന​തി​നു​ള്ള ഉ​പ​ക​ര​ണ​ങ്ങ​ൾ സ്ഥാ​പി​ച്ച് ഓ​പ്പ​ൺ ജിം ​നി​ർ​മി​ക്കും.

ആ​ർ. ബാ​ല​കൃ​ഷ്ണ​പി​ള്ള​യു​ടെ പ്ര​തി​മ ഉ​ൾ​പ്പെ​ടെ ഇ​വി​ടെ സ്ഥാ​പി​ക്കാ​നും പ​ദ്ധ​തി​യു​ണ്ട്. നി​ല​വി​ൽ സാം​സ്കാ​രി​ക പ​രി​പാ​ടി​ക​ളും പൊ​തു​പ​രി​പാ​ടി​ക​ളും ചെ​റു​സ​മ്മേ​ള​ന​ങ്ങ​ളും ഒ​ക്കെ ന​ട​ത്തു​ന്ന​തി​നു​ള്ള പൊ​തു​വാ​യ ഒ​രി​ടം ന​ഗ​ര​ത്തി​ൽ ഇ​ല്ല.പാ​ർ​ക്കിം​ഗ് ഗ്രൗ​ണ്ടി​ൽ ന​ഗ​ര​സ​ഭാ ഓ​ഫീ​സ് സ​മു​ച്ച​യം നി​ർ​മി​ക്കാ​നാ​യി​രു​ന്നു ആ​ദ്യ​പ​ദ്ധ​തി.

പൊ​തു​വി​ട സം​ര​ക്ഷ​ണ​സ​മി​തി ഉ​ൾ​പ്പെ​ടെ ന​ട​ത്തി​യ പ്ര​തി​ഷേ​ധ​ങ്ങ​ളെ​ത്തു​ട​ർ​ന്ന് മ​ന്ത്രി കെ.​എ​ൻ. ബാ​ല​ഗോ​പാ​ൽ ഇ​ട​പെ​ട്ട് ന​ഗ​ര​സ​ഭാ ഓ​ഫീ​സ് നി​ർ​മാ​ണ​ത്തി​നാ​യി ര​വി​ന​ഗ​റി​ലെ കെ​ഐ​പി ഭൂ​മി ല​ഭ്യ​മാ​ക്കു​ക​യും പാ​ർ​ക്കിം​ഗ് ഗ്രൗ​ണ്ട് പൊ​തു​വി​ട​മാ​യി നി​ല​നി​ർ​ത്തു​ക​യു​മാ​യി​രു​ന്നു.